Texnikalar

Tarlaya yük maşınlarının girişini minumuma endirmək üçün 29 ton yük tutumu, çəki və ölçü indiqatorları, özüboşaldan sorucu boru kimi özəlliklərə malik daşıyıcı vasitə.

İşləmə eni 36 m, bunker tutumu 7.2 ton olan gübrəsəpənlə şum altına verilən və yemləmə gübrələrinin dəqiq nizamlanmış norma ilə tətbiqi mümkündür.

Pivot suvarma qurğusunun təkər izlərini bağlamaq və pivotun batmasının qarşısını almaq üçün istifadə olunan, V şəkilli, hidravlik tənzimlənən, çəkisi nizamlana bilən kipləşdirici təkər, hər tərəfdə 4-ü olmaqla 8 bıçaq diski, ümumi çəkisi 1000-1500 kq olan texnika.

8-12 sıra və ya 45-70 sm cərgəaralarına nizamlana bilən, gübrə və mikroqranula səpmə imkanına malik universal toxumsəpən. Bu toxumsəpənlə şəkər çuğunduru, soya və qarğıdalı əkinlərini aparmaq mümkündür.

8-12 cərgə və ya 45-70 sm işləmə eninə nizamlana bilən, yan kəsici bıçaqlar, gübrə çəninə malik becərmə kultivatoru.

Qoşqulu, çən tutumu 4100 litr, püskürmə gücü 1-8 bar, qolların məhsula olan minimum hündürlüyü 50 sm, qolların maksimum qalxma hündürlüyü  2.4-3.35 m və qolların uzunluğu 24 m, qollarda LED işıqlandırma və sürətli özünü tənzimləmə, "section control", "precision farming", "application mapping" kimi xüsusiyyətlərə malik dərmançiləyici.

Hidravlik tənzimlənən göyərtə plitələri, əks bıçaqlar, “Stalk master”, “AutoTrack” xüsusiyyətlərinə və nəm şəraitdə işləmə qabiliyyətinə malik qarğıdalı biçini üçün kombayın başlığı

John Deere ağır diskli mala, işləmə eni 8.1 m, işləmə dərinliyi 12-15 sm, 2 cərgəli 600-650 mm-lik disklərlə torpağın şumdan sonra malalanması üçün nəzərdə tutulub.